nóg... í bili ;)

nýir tímar !

Wed, 26 Dec 2007 01:17:49 GMT

GLEÐILEG JÓL !

jæææja

blogCentral er búið að vera hluti af lífi mínu nógu lengi ;) eða í næstum 5 ár, pælið í því?!

heyri ég sorglegt eða..? ;)

en kíkið á http://erlperl.blogspot.com

og héðan í frá munu allar myndirnar mínar bara fara á myspace-ið mitt: www.myspace.com/mariuerla

ég þakka fyrir góða tíma ;)

- E R L A M A R Í A -

*

Wed, 31 Oct 2007 10:16:48 GMT

***

svo ég standi nú við orð mín og að hún Auður litla hætti að nöldra ætla ég aðeins að segja frá því sem á daga mína hefur drifið síðsustu vikur, ég hef hvort eð er ekkert merkilegra að gera, er bara í menningarfræðitíma ;)

Okei, Belgía:

Við fórum saman bekkurinn, og partur af 5.D, til Diest í Belgíu til að taka þátt í þessu líka skemmtilega "exchange project" við eldhress 90 og 91 módel ;). Þessi ferð varð í rauninni miklu skemmtilegri en ég bjóst við að hún myndi verða.

Belginn minn og Belginn hennar Ingibjargar voru sko kæró, þannig að við vorum nánast alltaf saman. Skoðuðum munkuklaustur frá miðöldum, hittum konu sem las í tærnar á okkur! Já, semsagt svona eins og lófalesari, nema þessi kerling las bara í tærnar. Og merkilega margt af því sem hún sagði var alveg eitthvað vit í.

ingibjörg og konan sem las í tærnar á okkur - Munkaklaustrið

Ég fékk líka að smakka slatta af belgískum mat; einhverja voða þjóðlega belgíska tómatsúpu með kjötbolllum, spes. Annars borða Belgar ótrúlega mikið af brösuðum mat og endalaust mikið af hvítu brauði. Þeir snýta sér líka hvar sem er, hvenær sem er! Meira að segja við matarborðið, sweet. Svo vissi ég varla hvert ég ætlaði þegar Belginn minn, hún Julie, setti ís inn í örbylgjuofninn.. :haha:

Við íslensku krakkarnir gerðum líka margt saman. Fórum einn daginn til Brussel og fórum í rosa sight-seeing trip, skoðuðum Evrópuþingið og fleira skemmtilegt. Það kvöld fórum við í bæinn Leuven þar sem á dagskránni var pöbbarölt ;) Þar kenndu sumir Belgunum drykkjuleiki þar sem ég held að okkur hafi tekist að hneyksla Belgana fyrir lífstíð ;)

Atomium - ,,Belgíski Eiffel Turninn"

og ekki má gleyma Gunna sem sleit liðband fyrsta kvöldið og var alla ferðina í hjólastól... eða hoppandi um á hækjum

Við fórum líka til Antwerpen, þar fengum við aðeins að versla. Þannig að það kvöld mátti sjá 24 stelpur í eins jökkum úr H&M, eða svona næstum því ;)

Þessi ferð var í alla staði mjög skemmtileg, belgíska fjölskyldan mín var yndisleg, þrátt fyrir að eiga hænur og hana sem galaði klukkan hálfsjö alla morgna ;).

Julie, Matthias, Ingibjörg & ég

Allar myndirnar eru komnar inn á myspace-ið mitt: www.myspace.com/mariuerla

2o.október kom ég svo heim og það tók hana Margréti ekki langan tíma að draga mig út. Um kvöldið fórum við á Hverfis í afmæli, fáránlega gaman.
Á sunnudeginum mætti ég svo eldhress á fimm tíma Nobili-æfingu. Elska það að vera byrjuð að æfa jólalögin :haha:

Á mánudaginn var það svo bara aftur í skólann og milljón próf og fyrirlestrar sem biðu manns.

Á þriðjudeginum voru svo tónleikar í Söngskólanum, frekar vel heppnaðir held ég bara.

Á miðvikudeginum fékk ég loksins að anda, eða það hélt ég, en þá kom í ljós að mín beið tuttugu mínútna fyrirlestur um Egyptaland sem ég átti að flytja í Alþjóðafræði daginn eftir, frábært! Þannig að ég eyddi miðvikudeginum í að finna upplýsingar um egypsk stjórnmál, efnahagslíf, heilbrigði o.fl.

Síðasta helgi var því langþráð afslöppun, fékk loksins að sofa, sem var frekar sweet, því ég vaknaði ekki við hanagal ;). Var reyndar að vinna, sem ég hafði bara gott af, ekki búin að mæta í vinnuna síðan einhvern tíma fyrir Belgíu.

Held ég hafi frá litlu öðru að segja.. held að blogghæfileikum mínum sé að fara aftur ;)

Held ég fari þá bara að læra menningarfræði...

-Erla María

Belgía !

Sat, 13 Oct 2007 01:50:24 GMT

***

ég er stungin af til Belgíu í eina viku !

lofa awesome bloggi og myndum þegar ég kem heim, 2o.október

Ykkar ástkæra !

freshhh *

Wed, 05 Sep 2007 21:09:14 GMT

fullt af nýjum myndum !

og já, ég er enn á lífi ;)

sumarið búið, skólinn byrjaður. þetta sumar er búið að vera vægast sagt frábært! Og þá er held ég ÞETTA sem stendur upp úr:

* Próflokadjammið & kosninga-& eurovisionkvöldið ;)

* Afmælið hans Bjössa

* Washinton DC í lok maí, heimsókn til sendiherradótturinnar ;)

* Afmælið hennar Söndru

* Slóvenía !

* Írskir dagar, aka. þegar Magga týndi bíllyklunum !

* Vikan sem Magga var ein heima :)

* afmæli ásdísar hrundar

* Verzlunarmannahelgin - útilega á Flúðum

* & síðast en ekki síst: MALLORCA !

Þetta er samt alls ekki tæmandi listi.. Ég var að fíla vinnurnar mínar í sumar; Skjól & Snæland. Plús allt það sem við gerðum á virku kvöldunum.. ég á klárlega eftir að sakna þessa sumars !

Eeeen skólinn er ágætur, 5.A er núna orðin blanda af félags- og málabraut, hinir 12 bekkirnir í árganginum eru viðskipta- eða náttúrufræðibekkir...

Svo er ég líka byrjuð í Söngskólanum, sem er held ég aðeins meiri vinna en ég gerði mér grein fyrir. Í vetur mun ég semsagt, ásamt því að mæta í söngtíma þrisvar í viku, klára tónfræðina, vera í tónheyrn & tónlistarsögu, gaman að því.

eitthvað meira sem ég get bunað út úr mér? já.. ég er loxins komin á minn eigin bíl. Hætt að keyra opel station bílana hans pabba, honum tókst meira að segja að selja annan, hver hefði trúað því? núna keyri ég semsagt um götur bæjarins á Ford KA, ekki hlæja! ;) ég elska hann :haha:

segjum þetta gott, skoðiði myndirnar!

*Erla María

,,þú átt bjarta framtíð að baki"

Tue, 24 Jul 2007 18:45:25 GMT

sumarið er tíminn, klárlega

ég hef allavega nóg annað að gera en að blogga þessa dagana, er samt búin að setja inn fullt fullt af myndum, held að það sé það mest spennandi hérna akkúrat þessa stundina.
þær segja eiginlega allt sem segja þarf um það sem ég er búin að vera að gera af mér síðustu daga ;)

írskir dagar - ég, magga, þór, bjössi & jón árni ákváðum að skella okkur á laugardeginum. frekar gaman bara, nema náttúrulega það að magga týndi bíllyklunum sem dró smá dilk á eftir sér. í fyrsta lagi var þetta ekki bíllinn hennar heldur ömmu hennar og við eyddum sunnudeginum í að redda okkur fari í bæinn og tala við lögguna ;)

í vikunni á eftir var magga ein heima þannig að við svona hálfpartinn lögðum húsið undir okkur, fórum í pottinn og höfðum það kósý. um helgina var svo "smá" partý heima hjá henni, við skemmtum okkur flest bara veeel ;) :haha:
Svo var líka fáránlega gaman að hitta Árna þetta kvöld, kallinn kominn heim frá Þýskalandi, eftir 11 mánaða skiptinemaprógram

Svo hitti ég líka elsku eistagellurnar mínar í þessari viku. Hittumst heima hjá Brynhildi og borðuðum súkkulaðiköku a la brynhildur og spjölluðum. Þegar Eygló var svo að skutla mér heim hringdi Sandra og við hittum hana, Þór og Möggu, en þau voru í fótbolta ;) Minnti mann soldið á gömlu dagana bara, frekar gaman :haha:

um síðustu helgi hitti ég ausu & ingibjörgu eftir vinnu á föstudeginum og við fórum í afmæli til hildar :haha: takk fyrir mig sæta. enduðum svo í bænum, hitti möggu, söndru, eddu, rebekku & bjössa. dönsuðum af okkur rassgatið á sólon, vægast sagt.
á laugardeginum var ég svo að vinna en um kvöldið hittumst við nokkur heima hjá mér og grilluðum, eða bjössi grillaði, saman. Svo kíktu nokkrir í heimsókn og úr varð þetta líka fína djamm. kannski fyrir utan það þegar óli braut eldavélina ;) haha..

mæli með að þið skoðið myndirnar frá þessu öllu saman, við erum öll orðin heví sumarleg og sæt ;)

farin að gera eitthvað sniðugt

-erla maría

USA - Ísland - Ítalía - Slóvenía - Ísland *

Tue, 26 Jun 2007 18:42:49 GMT

Fyrir akkúrat mánuði var ég á leiðinni til Bandaríkjanna með Ingibjörgu, við vorum reyndar næstum búnar að missa af fluginu af því að astma-sjúklingnum vantaði sterana sína ;)
Þegar við loksins komumst í gegnum flugvöllinn, eftir að hafa látið taka myndir af okkur og svarað hvort við værum þarna í "business or pleasure" fengum við loksins að faðma Ausuna okkar :haha:.

Washington DC er frekar flott borg, með flottum byggingum, en djöfull var ógeðslega mikill raki þarna. Sem þýddi aðeins eitt, við vorum sveittar allan daginn, mmm ;)
En við gerðum eitthvað annað en að vera sveittar. Þegar Ausa var í skólanum lágum við í sundlauginni og nældum okkur í smá tan, nema Ingibjörg sem fékk brjálað ofnæmi og varð öll rauðflekkótt og bólgin, greyið. Svo versluðum við, létum elda ofan í okkur, fórum í dýraarðinn ;), lékum túrista í einn dag þar sem við sáum Memorial Day skrúðgöngu og skoðuðum Hvíta Húsið. Við fórum líka í skólann hennar Ausu. Hressu krakkar. Svo var okkur boðið í afmæli á laugardagskvöldinu. Það er held ég eitt af skemmtilegustu partýum sem ég hef farið í ;) Held að myndirnar munu bara tala sínu máli :haha:.

Ég kom svo heim mándaginn 4.júní, & þar til að ég fór aftur út þann 1o. var ég eiginlega bara stanslaust að vinna. Á laugardeginum hélt Sandra svo upp á afmælið sitt, takk fyrir mig sæta :haha: Þaðan fór ég svo bara beint upp í kirkju, þar sem við tókum rútu til Keflavíkur og flugum þaðan til Trieste á Ítalíu og keyrðum svo til Slóveníu, klárlega besta kórferð í heimi.

Nokkur lykilorð úr ferðinni:

hamstur&humar
Ásdís:,,Ég er svööööng"
Stracciatelli
Stefano
baðsloppar (sem kosta margar margar evrur!)
hvar er ingvar?
sigling
sardínur og smokkfiskur
búningurinn sem elín edda ætlaði að hanna
sólarolían hennar evu sólar
djamm?
mercator
ljubliana
hellidemba

ég mæli með myndunum, þær koma bráðum, ég lofa :haha:

Svo kom ég heim á 17.júní. Síðan þá er ég búin að vinna á hverjum degi nema átti einn frídag einvherntíma í síðustu viku. Gamla fólkið á Skjóli eru yndi og ég kann bara vel við mig þarna. Og ef ég er ekki á Skjóli þá er ég í Snælandi. Svona verður þetta þangað til 6.ágúst, ég er farin að hlakka þvílíkt til, tvær vikur í stanslausri sól með uppáhaldsstelpunum mínum :haha:

Eeen yfir í eitthvað allt annað. Þið munið kannski eftir blogginu mínu hérna um daginn þar sem ég var að segja frá því að hann faðir minn tekur ekki annað í mál en að eiga grænan bíl. Þegar ég kom heim frá Bandaríkjunum hélt ég að hann væri búinn að losa okkur við grænu opel-station drusluna fyrir fullt og allt, þar sem hann sagðist vera búinn að kaupa nýjan bíl. Jújú, hann var alveg búinn að kaupa nýjan bíl, meira að segja annan opel astra station bíl, en hann er samte ekki ennþá búinn að losa sig við grænu drusluna, ég held að innst inni langi hann bara ekkert til þess. En ég kvarta ekki svo lengi sem það eru þrír bílar á heimilinu. En málið með nýja, eða "nýja" opelinn er það, að hann er eiginlega algjör drusla líka. Þegar hann keypti hann var hljóðkúturinn sprunginn. En hann var lagaður sem betur fer. Þá kom í ljós að bensíntankurinn er ónýtur, hann lekur! Þannig nú keyri ég um götur bæjarins með pínulítið bensín á bílnum, krossleggjandifingur um að verða ekki bensínlaus. En það gerðist einmitt á sunnudaginn. Ég og Aron vorum að fara að sækja Þór, þegar hann hringir og segist vera kominn upp í Laugarásbíó, vorum semsagt á leiðinni í bíó. Og þar sem klukkan var alveg korter í átta ákvað ég að taka bensín, hélt samt alveg að þetta myndi sleppa, ég og aron vildum bara halda kúlinu þið skiljið, ekkert vera að mæta of snemma í bíó. En svo gerist það svona 2-300 metrum áður en við komum á bensínstöðina að ég verð bensínlaus, inn í miðju hringtorgi. Þannig að Aron fékk það skemmtilega hlutverk að fara út að ýta. Klárlega það kjánalegasta sem ég hef lent í lengi ;)

ég elska pabba minn, og bíldruslurnar hans líka ;):haha:

Fáránlega langt blogg orðið staðreynd, enda meira en mánuður frá síðasta bloggi. Ætla að henda inn öllum þessum myndum, það gæti tekið tímana tvo.

-erlperl*

verzlunarpróf...*

Wed, 23 May 2007 13:58:27 GMT

jæja, einkunnir komnar í hús. Og ég er sko með gleðifréttir krakkar, ég fékk hvorki meira né minna en 8 í leikfimi! Kraftaverkin gerast enn ;) Vona að þið samgleðjist með mér, því Verzló-leikfimin er ekkert djók, trúið mér ;)
Ég fékk samt lægst í leikfimi, litla nördið ég, enda fékk ég söguverðlaun, til að kóróna þetta allt saman.
Ég er allavegana komin með verzlunarpróf, hversu töff?

Þannig ég fer sátt út í sumarið og nú eru þrír mánuðir mínus þrír dagar þangað til ég þarf að hugsa um skólann aftur, sem er sweet.

Síðustu dagar hafa verið ekkert nema skemmtilegheitin og kæruleysi.. Sund, bíó, vinna, djamm, hitta fólk, sex&thecity og desperatehousewifes, og já, leita að almennilegri sumarvinnu. Sem að ég fékk í dag, gaman að segja frá því. Á milli þess sem ég verð í útlöndum ætla ég að hugsa um gamla fólkið á Skjóli. Held að það sé mjög gefandi og þroskandi starf sem mun bara gera mér gott.

aðeins meira um síðustu daga.. Bjössi elskan átti afmæli 15.maí og á föstudaginn hélt hann upp á afmælið, ansi vel heppnað það, við skemmtum okkur vægast sagt vel ;) takk fyrir mig :haha: Magga smellti nokkrum myndum en ég bíð bara þolinmóð, hún Margrét er nefninlega komin með einkyrningasótt þannig að greyið hefur litla sem enga orku þessa dagana, láttu þér batna einhyrningurinn minn

Og hei! Eftir litla þrjá daga mun ég fá að knúsa þessa heltönuðu prom-queen ;):

& hver veit nema að ég fái að knúsa þennan ofurhressa vin hennar líka? :haha: Það er svo stutt síðan það voru alveg 1oo&eitthvað dagar í þessa Washington-ferð, ég man ekki eftir að hafa hlakkað svona mikið til leeeengi :haha:

svo eru líka bara litlir 18 dagar í Slóveníu :haha: ekki slæmt.

Jæja, desperate housewifes bíða mín, ég get ekki hætt .

-kíkiði svo á mig í snæland í kvöld og fáið ykkur ís ;) -

-Erla María *

,,gáfaðir menn keyra græna bíla"

Fri, 11 May 2007 20:39:38 GMT

heiðurinn af þessum vel völdnu orðum á enginn annar en faðir minn. Honum finnst nefninlega ekkert meira töff í allri veröldinni en að eiga grænan bíl. Við erum núna að reyna að losa okkur við grænu Opel-drusluna og pabbi vill bara kaupa annan grænan bíl, og auðvitað er ég ekkert sátt með það ;) Það þarf vart að taka fram að ég vil ekkert nema blátt, sérstaklega þegar ég er farin að geta keyrt þetta sjálf :haha:

já krakkar mínir, ég er loksins komin með bílpróf. Góðir hlutir gerast hægt :haha:

ég lofaði besta bloggi í heimi, ætla að reyna að standa við það.

kemst eiginlega ekki hjá því að tala aðeins um peysufatadaginn, sem var 26.apríl. Dagurinn sem ég eyddi svona 117.ooo hádegishléum og meira til í að skipuleggja, ásamt elskulega ráðinu mínu. Þessi dagur tókst betur enn ég hefði nokkurn tíma þoraðað vona. Ballið um kvöldið var líka eitt skemmtilegasta (og sveittasta) ball sem ég hef farið á :haha: Ætla að henda inn myndunum eftir smá, tékkiði þær endilega.

myndarlegi bekkur ... :haha:

-það var svona gaman ;) -

Í dag tók ég síðasta og sjöunda prófið. Sjö próf á ellefu dögum. Ég hef sjaldan verið svona fegin að komast í frí, það er svo margt skemmtilegt framundan; lokaballið, afmælið hans bjössa, BANDARÍKIN, SLÓVENÍA & svo MALLORCA auðvitað. Svo má ekki gleyma eurovision á morgun ;)
Aumingja Eiríkur, hann átti ekki séns í allan þennan mannfjölda og klíkuskap í Austur-Evrópu. Horfði á þetta með öðru auganu í gær (var með hitt á heimsins bestu þjóðhagfræðiglósum). Hrafnkell horfði á þetta með mér og hann, af öllum, var alveg að lifa sig þó nokkuð inn í þetta. Svo þegar úrslitin voru ljós stendur hann upp og hálföskrar: Það ætti bara að bomba þetta lið þarna í Austur-Evrópu! Hvern hefði grunað að þrítugur bróðir minn myndi taka Eurovision svona inn á sig ? ;) Ekki mig allavega...

Þessi prófatími var samt ekkert alslæmur, dagarnir þar sem það var ekki próf daginn eftir fóru margir í eitthvað skemmtilegt. Sund, bíó, óendanlegir margir rúntar, smááá vinna og fleira sniðugt.
Síðasta helgi var líka smá tilbreyting frá stjórnmálafræði-, sögu-, og íslenskubækum. Edda, Magga & Aron ákváðu að nýta sér bílprófið mitt með þá afsökun að ég skuldaði þeim milljón skutl! Sem er alveg rétt ;) Þannig að ég var driver-inn þeirra það kvöldið. Fórum í eitthvað Samfylkingarpartý á Barnum, þar nýttu sumir sér það einum of að það var frítt á barnum (eftir að hafa stútað kampavínsflösku á korteri). Svo kíktum við til Kollu þar sem Magga og Edda ákváðu að ganga í það heilaga og ég og Aron fórum í "hokkí" með lime-i. Ekki leiðinlegt partý það ;)

En núna tekur bara við stanslaust kæruleysi þangað til 26.maí, hlakka til hlakka til :haha:

farin að gera eitthvað allt annað en að læra!

-erlperl

suuuumar *

Tue, 01 May 2007 21:35:53 GMT

* Ég lofa besta bloggi í heimi 11.maí *

-þangað til er ég í brjáluðu nostalgíukasti, ég þrái sumar-

Nokkrar velvaldar frá síðasta sumri:

Gangi ykkur vel í prófunu m elskur !

leti...*

Mon, 09 Apr 2007 21:40:33 GMT

Þá er ég búin að stúta páskaeggi nr. 5 frá NóaSiríus! Vissi ekki að ég gæti þetta ennþá. Þó að ég sé kannski ekki lítil ennþá þá er ég alveg jafn mikill nammigrís :haha:

Páskafríið er búið að vera sweet. Er reyndar búin að vinna sjúklega mikið, 9 vaktir á síðustu 10 dögum, ekki slæmt að fá útborgað næstu mánaðarmót! Þá verð ég líka von bráðar á leiðinni til U S & A :haha: Ég held ég springi bráðum af tilhlökkun, það er svo langt síðan ég hef séð þessa hérna:

En já páskafríið, í því er ég meðal annars búin að:

* vinna eins og mófó (eins& ég var að segja frá, gaman gaman), átti eina furðulegustu vakt fyrr&síðar held ég bara... Með Írisi og Rebekku, fulluþunnu! ;)
* Fara í sund í góða veðrinu, alveg tvisvar!
* Djamma smá, takk fyrir skeeeemmtilegt kvöld Edda, Magga & Rebekka
* Keyra smá ;) nú styttist og styttist í þetta
* Horfa á BORAT, aftur :haha:
* Rúnta með Möggu í 117 klst. og deila ýmsum leyndó-um ;)
* Fór í sveitina á laugardaginn eftir vinnu, hitti Yrsu Guðrúnu & fjölsk. þar
* Hitta Emilíu, hún er hressari sem aldrei fyr ;)
*Læra? neeei, nema að tvær bls. í sögubókinni teljist með ?

Eftir páskafríið tekur samt ekkert spes tími við, bara 20 dagar í vorpróf eða svo þannig að ég hef nóg að gera í að lesa sirka 2000 bls. jibbí kóla

Ætla núna að fara að hitta stelpurnar, ætlum að horfa á Dumb&Dumber ;):haha: Sem er búið að vera á planinu síðan í jólafríinu. Held að ég hafi síðast horft á þessa mynd heima hjá Erlu R. í Drekavoginum í eldgamladaga.

við sjáumst !

-Erla María, www.myspace.com/mariuerla-

páskafrí & e-ð frumlegt *

Fri, 30 Mar 2007 19:54:22 GMT

ég held ég segi bara eins og erla rún - Ég er búin að finna hana, uppteknustu viku í veröldinni!
En hún er líka búin og ég er komin í páskafrí, hversu sweet?

Páskafrí sem ég ætla að nýta í ekki neitt. 11 daga afslöppun með smá vinnu :haha:

En já þessi upptekna vika.. Í þessari viku fór ég í þrjú próf og skilaði þremur ritgerðum, öðru eins brjálæði hef ég ekki kynnst á minni skólagöngu !
Inn á milli fann ég samt smá tíma til að gera eitthvað skemmtilegt. Á miðvikdaginn fór ég í sund með stelpunum, ég var búin að gleyma hvað það er kósý að fara í sund. Svo hittum við líka slatta af skemmtilegu fólki, þar á meðal Aron Leví sem dró okkur í rennirbrautina með þeim afleiðingum að ég er með tvær svartar kúlur á bakinu... nice

Í vikunni var líka kosningavika í skólanum, þannig að ég er búin að lifa á útrunnu kosninganammi alla vikuna. Mér lýst bara nokkuð vel á frambjóðendurna og hef á tilfinningu að næsta skólaár verði skemmtilegt :haha:

Ég öfunda Ásdísi smá, sem er núna í WashingtonDC hjá Ausu! Það er samt ekkert svooo langt þangað til ég fer! Þannig hvað er ég að kvarta? ;)

Ætla að halda áfram að horfa á heroes, elska að geta bara horft á milljón (tjah.. eða 16) þætti án þess að stoppa ;)

gleðilegt páskafrí elskur

bóklegt, ítalía, seljaland & snæland

Tue, 13 Mar 2007 00:22:43 GMT

afhverju fer ég alltaf svona seint að sofa? það er óþolandi. ég kenni auði um, búsett í annarri heimsálfu, bara hægt að tala við þig á nóttunni þarna. já það er þér að kenna að ég svaf allt hádegishléið.

annars ætlaði ég ekkert að tala um svefnvenjur mínar, alls ekki bara. helgin var skemmtileg, tölum um hana.

byrjum á fimmtudeginum bara. þá stóð til að fara í bóklega (bílprófið). átti að mæta klukkan fjögur og edda ætlaði að vera svo sæt og skutla mér, sem hún auðvitað var eins og alltaf :haha:. Svo kom hún korter í en þá fattaði ég að ég þurfti að ná í ökunámsbókina mína alla leið upp í grafarvog, frábært. en við redduðum þessu á korteri, smá sikksakk á akreinum og gefa í í beygjum og á gulum ljósum. ég rústaði líka prófinu, 1 villa í a og 1 í b :haha: þá fer þetta bara að styttast & styttast !

á föstudaginn átti rebekka afmæli. til hamingju elskan ! :haha: auðvitað héldum við upp á þetta & fórum út að borða á ítalíu; hún, ég, edda, magga og bjössi. eftir mjööög góðan mat fórum við heim til hennar. ég þurfti reyndar aðeins að skreppa í vinnuna og loka, sem var bara hressandi. krakkarnir voru hins vegar ennþá hressari þegar ég kom aftur til rebekku. ég og sandra skutluðum þeim svo niðrí bæ, en þessi bæjarferð var svo aftur á móti svolítið spes. held að rebekka ætti að forðast efri hæðina á Prikinu í bráð ;)

,,I can be your hero baby!" ;)

á laugardaginn fór ég í sveitina (seljaland) og hitti fullt af yndislegu frændfólki. tók með mér námsbækurnar en lærði ekki mikið, ég á nóg af litlum frænkum og frændum sem sáu ofan fyrir mér ;)

á sunnudaginn kom ég í bæinn um þrjú, hitti jóa sem skutlaði mér svo í vinnuna. ekki merkilegri dagur en það.

svona til tilbreytingar ætla ég að reyna að sofna fyrir tvö í kvöld/nótt. góð byrjun á því væri t.d. að slökkva á tölvunni...

góða nótt

erlperl*

*

Mon, 05 Mar 2007 01:09:56 GMT

sunnudagsblogg..

sem þýðir væntanlega blogg um helgina sem var að klárast.
föstudagurinn fór í þreyttan skóladag vegna sögulesturs um nóttina, og þar af leiðandi sjúklega erfitt sögupróf. Um kvöldið horfði ég á Gettu Betur, ekki slæmt að vinna MA-ingana svona. Hitti svo Möggu og við tókum bara klassískan rúnt á þetta. Skoðuðum myndir mánaðarins og Séð&Heyrt ;) frægu frægu...
fór svo bara frekar snemma heim að sofa

laugardagurinn... fór að vinna kl. fimm, óeðlilega mikið að gera eitthvað. En eftir vinnu dreif ég mig heim og skipti um föt. Jói kom svo og sótti mig, Möggu & Söndru. Við ætluðum svo að fara í bekkjarpartý hjá bekknum þeirra, en svo var það víst eitthvað að leysast upp svo við enduðum einhverra hluta vegna í afmælispartýi hjá Halla V. Þar var sjúklega gaman, hitti slatta af fólki, fyrrverandi Verzlinga helst, ekkert nema skemmtilegheitin.
við enduðum svo á því að kíkja í bæinn, held að ég hafi sjaldan dansað svona mikið :haha:

dagurinn í dag var rólegur. Gerði heiðarlega tilraun til að byrja á að lesa "Almenn ökuréttindi" Það gekk misvel. Bóklega á fimmtudaginn!
Horfði líka á krúttlegustu mynd í heimi, Les choristes. Fjallar um franska litla stráka í vandræðagemsaskóla, sem gerast kórdrengir með hjálp nýja umsjónakennarans þeirra. Falleg tónlist í þessari mynd.

núna er ég að blogga, horfa á heroes og tala við ausu. Svolítið erfitt að gera allt í einu. Sérstaklega þar sem ég ætti að vera sofandi. Held ég geri það síðast nefnda.

góða nótt

marsss...

Fri, 02 Mar 2007 19:56:16 GMT

marssss..

mars er yfirleitt frekar leiðinlegur mánuður, ekkert að gerast, langt í sumarið & endalaus skóli. En maður á ekki að hugsa svona, þess vegna ætla ég að vera extra jákvæð í mars ;)

er búin að vera á leiðinni að blogga alla vikuna, meðal annars því síðasta helgi var svo skemmtileg! Á föstudaginn hitti ég jafningjafræðsluna, þau komu í smá heimsókn. Það vantaði reyndar nokkra, en ég, Edda, Ragna, Gimmi & Ívar skemmtum okkur við að spila á píanó og syngja, booorða nammi og ís með einhverri svaka svaka snickerssósu a la Gimmi. Týpískt jafningjafræðslu"partý" ha ? ;)
Það kaldhæðnislega var kannski að í húsinu ská á móti var eitthvað svakalegt 1o.bekkjarpartý sem löggan krassaði kl.hálfellefu og hátt í 1oo fullir krakkar og slatti af löggbílum fyrir utan húsið mitt ;)

á laugardaginn fór ég í vinnuna, vann reyndar bara í þrjá tíma, því svo fór ég heim og gerði mig reddí fyrir árshátíðina. Ég, Edda, Magga og Rebekka fórum svo til Jóhönnu, yfirgellunnar okkar, í hálfgert fyrirpartý, klukkan fimm takk fyrir. Svo var haldið á Nasa, með limmu haha..! hummerlimmunni meira að segja. Á Nasa var svo þessi kvikmyndahátíð, allar videoleigur höfuðborgasvæðisins samankomnar. Og auðvitað var Snæland laugavegi kosin besta leigan ;) fengum bikar og allt :haha:

á sunnudaginn fór ég svo í vinnuna og ég held að ég hafi aldrei hlegið jafn mikið á einni vakt, Sævar á því eiginlega mestu að þakka ;)

Þessi skólavika er búin að vera freeekar busy, próf og fyrirlestrar til skiptis. Þannig að ég er bara fegin að það sé komin helgi og ætla bara að taka því rólega. Ég og Magga ætlum samt kannski að gera eitthvað skemmtilegt á morgun.

Núna ætla ég að tékka á Gettu Betur, ímynda mér að ég sé stödd á Akureyri ;)

svo styttist alltaf í Bandaríkjaferðina, og Ausa var að segja mér að 25.maí verður Damien Rice með tónleika í Washington og við ætlum að skella okkur. Hlakka svo til :haha:

faaarin

-tékkiði nýju myndirnar

*

Tue, 20 Feb 2007 00:41:03 GMT

ég er aftur orðin lasin, það er ógeðslegt. Hef sjaldan upplifað jafn ógeðlslegan skóladag og í dag, sjúgandi upp í nefið og hnerrandi eins og ég veit ekki hvað.

Held að ég megi alveg kenna helginni um það að kvefið og hálsbólgan sé komin aftur. Um helgina vorum við, kórinn, nefninlega að taka upp geisladisk, og það ekkert stuttan. Og á þessum árstíma eru náttúrulega allir veikir, önnur hver stelpa sem gat varla sungið vegna hósta. En þetta var bara hressandi. Ég hef allavega aldrei drukkið jafn mikið te á svona stuttum tíma. Te er ekkert svo gott þegar maður drekkur svona mikið af því...

En nóg um te, ég gerði víst eitthvað annað um helgina en að drekka te. Glápti á video, vann smá og skrifaði eina ritgerð. Á laugardagskvöldið kíkti ég til Bjössa með Jóa en þar voru Edda & Rebekka að gera sig reddí fyrir bæinn. Atvikið sem klárlega bjargaði kvöldinu var þegar Edda flaug á rassinn á parketinu hans Bjössa! Langt síðan ég hef hlegið jafn mikið ;)

Mamma fór til Englands í morgun, ég sit uppi með tvo kalla hérna á heimilinu fram á föstudag, það verður fróðlegt að sjá hvernig það fer.
Annars er ég farin að hlakka smá til helgarinnar. Jafningjafræðsluhittingúr á föstudaginn og árshátíð hjá Snælandi á laugardaginn, limmósía og allur pakkinn! hahaha.. hversu töff er starfsfólkið þar?

farin að sofa!